Ang Pag-Ibig sa Panahon ng Kolera ay nobela ng pagmumuni-muni ng lunggati at walang-maliw na kapangyarihan ng pag-ibig. Isang romantikong mangingibig si Florentino Ariza na nabighani sa marilag na si Fermina Daza, subalit tinanggihan ang kanyang pag-ibig. Sa halip, nagpakasal ang dalaga sa isang dalubhasang doktor na si Juvenal Urbino habang tahimik na naghihintay ng mahigit limampu't isang taon nang sumakabilang-buhay na ang doktor. Sa huling pagkakataon, matutuklasan ni Florentino kung uusbong nasa wakas ang pag-ibig na kanyang pinakamimithi at iniingatan nang mahigit kalahating dantaon o mananatili lamang itong isang malaking ilusyon. Tinalunton ng pambihirang manunulat na si Gabriel Garcia Marquez ang isang hindi malilimutang kuwento ng pag-ibig: masaya, mapanglaw, mayaman, at nag-uumapaw.